Einn traustasti frétttaþulur landsins, Broddi Broddason, lét af störfum í gær eftir áratugastarf. Bolli mætti í útvarpsviðtal á eigin stöð vegna tímamótanna. Það hefur verið lenska um langt árabil að þegar stóratburðir verða þá mætir Broddi og ríkisrödd hans smýgur inn í hlustir landsmanna. Þetta átti við þegar þeir hörmungaratburðir urðu að fjöldi manns fórst í í snjóflóðunum á Flateyri og í Súðavík.
Margir hafa ályktað að það sé skipulagt hjá Ríkisútvarpinu að fá Brodda á staðinn. Hann sagði í viðtalinu að hann hefði einfaldlega lagt það í vana sinn að mæta á fréttastofuna, sem hluti af viðbragsteymi, þegar um væri að ræða stóra viðburði og þannig hefði þessi hefð myndast. Broddi viðurkenndi að hugsanlega hefði rödd hans góð áhrif og hann væri einskonar róandi pilla fyrir almenning. Víst er að margir munu sakna Brodda sem nú hverfur inn í gullroðið sólsetur efri áranna …