Vigdís vill ekki hænur

Vigdís Hauksdóttir, borgarfulltrúi Miðflokksins, vill fara varlega þar sem hænur eru annars vegar. Því veldur að hún hefur miklar áhyggjur af því að fuglaflensan verði ekki viðráðanleg ef íbúar höfuðborgarsvæðisins taka upp á því að vera með hænsnarækt í auknum mæli. Þetta sjónarmið Vigdísar kom glöggt fram í heilbriðisráði Reykjavíkur þar sem til umsóknar var erindu fjölskyldu í Skerjafirði um að halda fjórar hænur.  Vigdís greiddi atkvæði gegn hænsnahaldinu en aðrir fulltrúar ráðsins samþykku erindið góðfúslega.
„Nú geisar skæð fuglaflensa í landinu og þegar hefur þurft að drepa hænur á Suðurlandi. Hér er verið að bjóða hættunni heim í að viðhalda þessum bráðhættulega sjúkdómi í landinu,“ lét Vigdís bóka. Hún hefur um árabil verið einn skrautlegasti stjórnmálamaður landsins og fer sjaldnast troðnar slóðir. Vigdís gefur ekki kost á sér til áframhaldandi setu í borgarstjórn. Sjónarsviptir verður af brotthvarfi hennar …