Svala Björgvins og Kristján Einar Sigurbjörns sjómaður hafa verið mikið á milli tannanna á fólki enda ekki farið leynt með ást sína á hvort öðru á samfélagsmiðlum, en 21 árs aldursmunur er á parinu. Parið trúlofaði sig í desember í fyrra en nú virðist sem babb sé komið í bátinn.
Svala Björgvinsdóttir tónlistarkona hefur nú eytt öllum myndum af unnusta sínum, Kristjáni Einari Sigurbjörnssyni, á Instagram-reikningi sínum. Eins og alþjóð veit dvelur Kristján nú í fangelsi á Spáni, en hann var handtekinn þar í mars ásamt félaga sínum. Kristján hefur talað opinberlega um fortíðina, en hann var dæmdur í héraðsdómi fyrir vopnalaga- og fíkniefnabrot og líkamsárás en sýknaður fyrir Landsrétti fyrir líkamsárásina. Þá hefur hann verið ákærður fyrir að hóta lögreglumönnum lífláti. Enn á eftir að dæma í því máli.
Svala birti mynd nýlega af sér á Instagram og skrifar undir hana: „Erfiðleikar fá mann til að rísa upp og í upprisunni sér maður hvers maður er megnugur.“