Jón Ásgeir stígur hrundans

Jón Ásgeir Jóhannessson, stjórnarformaður gamla Skeljungs, er kominn á fulla ferð með gamalkunnar viðskiptafléttur sínar sem þjóðin þekkir frá hrunárunum. Jón Ásgeir gaf út nokkurra vasaklúta bók með Einari Kárasyni rithöfundi þar sem fram kom að hrunið hefði gleypt eigur hans. Mátti skilja á frásögn hans að hann væri nærri örbirgð. En nú hefur hann fengið vængi að nýju og olíufélagið Skeljungur er vettvangur hans og meðreiðarfólks hans. Félagið, sem nú heitir Skel, er á meðal þeirra sem nutu þeirrar náðar Bjarna Benediktssonar fjármálaráðherra að kaupa í Íslandsbanka á undirverði. Ásthildur Lóa Þórsdóttir, þingmaður Flokks fólksins, vekur athygli á því í blaðagrein í dag að Jón Ásgeir tók gamalkunnan snúning með bréfin og tekur gamalkunnan hrundansinn. Keypti og seldi strax aftur með gróða sem notaður var til að fjárfesta í VÍS. „Kannski muna einhverjir eftir því að fyrir nokkrum árum átti Jón Ásgeir ráðandi hlut í þessum sama banka. Sá banki, ásamt nokkrum öðrum, tók eftirminnilega kollsteypu eftir glæfralegan bankarekstur Jóns og félaga hans …,“ skrifar Ásthildur Lóa …