Hrikaleg staða Hildar

Sjálfstæðisflokkurinn í Reykjavík mælist í skelfilegri stöðu, ef marka má nýja skoðanakönnun Féttablaðsins um fylgi framboða til borgarstjórnar. Sjálfstæðísflokkurinn, undir forystu Hildar Björnsdóttur, mælist með 19,4 prósent og tapar þremur borgarfulltrúum af þeim átta sem Eyþór Arnalds, fyrrverandi oddviti flokksins, dró með sér. Fylgi flokksins hefur mælst í frjálsu falli síðan Hildur tók við. Hún er umdeild og ekki síst vegna náinna viðskiptatengsla eiginmanns hennar við Jón Ásgeir Jóhannesson athafnamann. Stærsta skýringin á fylgishruninu felst þó örugglega umdeildu bankabralli Bjarna Benediktssonar formanns með pabbabréfin í Íslandsbanka. Óhætt er að segja að örvænting ríki á meðal flokksmanna. Of seint er að skipta um leiðtoga og grandvart sjálfstæðisfólk liggur á bæn og vonar það besta. Fari kosningar á þann veg sem kannanir vísa til verður það að líkindum pólitískur banabiti Bjarna ekki síður en Hildar sem er í hrikalegri stöðu. Andstæðingar Bjarna brýna nú hnífa sína og hafa rætt sín í milli að efna til uppgjörs í haust og fella formanninn …