Ragnar Þór Ingólfsson, formaður VR, er í vanda vegna þeirrar afstöðu sinnar að styðja Sólveigu Önnu Jónsdóttur, formann Eflingar, í því að reka nánast allt starfslið félagsins. Innan stjórnar VR var vilji til þess að styðja starfsfólkið gegn því ofbeldi sem felst í hópuppsögninni. Þegar málið kom til kasta trúnaðarmannaráðs VR var tekin sú furðulega afstaða að neita að styðja launafólkið sem starfar fyrir verkalýðsfélagið. Stundin segir frá því að Kristinn Örn Jóhannesson, fyrrverandi formaður VR, bar upp tillögu um að fordæma fjöldauppsögnina á skrifstofu Eflingar og styðja starfsfólkið. Taldi hann það vera auðsótt en þá kom upp sú furðulega staða að Ragnar Þór formaður lagði til frávísun og fékk samþykkta. Þar með liggur fyrir að VR styður með óbeinum hætti fjöldauppsagnir launamanna. Þetta þykir undarlegt innlegg í komandi kjarabaráttu og kúvending á þeirri afstöðu verkalýðsfélaga að fordæma fjöldauppsagnir sem ráðast af geðþótta …
Uppfært: Í fyrstu útgáfu var sagt að Kristinn Örn væri stjórnarmaður VR. Hið rétta er að hann situr í trúnaðarmannaráði.