- Auglýsing -
Lögreglan í Sviss lagði hald á 500 kíló af kókaíni, efnið fannst í sendingu af kaffi í verksmiðju Nespresso.
Starfsmenn verksmiðjunnar gerðu lögreglu viðvart þegar þeir fundu hvítt duft í pokum af kaffibaunum. Lögreglan fann efnið falið í fimm gámum sem komu frá Brasilíu.
Í yfirlýsingu frá Nespresso segir að efnið hafi ekki komist í nálægð við kaffihylki í verksmiðjunni: „Við viljum fullvissa neytendur um að öruggt sé að nota allar okkar vörur,“ segir í yfirlýsingunni.
Kókaínið sem lagt var hald á er sagt 80% hreint og talið vera yfir 50 milljón evra virði. Talið er að efnið hafi verið ætlað evrópskum markaði.
