Þau undur og stórmerki urðu í vikunni að Árvakur, útgáfa Morguinblaðsins, kynnti að hagnaður upp á yfir 100 milljónir hefði orðið af rekstri félagsins. Mannlíf hefur áður fjallað um að félagið hefur um árabil verið rekið með gríðurlegu tapi en verið með líflínu til Vestmannaeyja þar sem auðkonan Guðbjörg Matthíasdóttir hefur ausið ur gullkistum sínum til að halda fyrirbærinu á lífi. Guðbjörg náði að bjarga mestu sínu úr Glitni, korteri fyrir hrun, sem var töfrum líkast. En nú virðist sólin skína á ritstjórann erna, Davíð Oddsson, og Haraldar Johannessen framkvæmdastjóra því samhliða því að tilkynna um hagnaðinnn var sagt frá því að Árvakur hafi eftir allt tapið keypt húsnæðí sitt í Hádegismóum á 1,6 milljarða króna.
Í viðskiptalífinu trúa menn vart sínum eigin augum og eyrum og um það er rætt að kaupin á húsinu sé lykillinn að gróðanum. Giskað er á að félagið hafi gert samning um að kaupa á ákveðnu verði innan tilsetts tíma og getað reiknað sér hagnað þegar kaupin voru formgerð. Þetta er þó ekki staðfest og ekki vitað hvaða töfraformúla er að baki loftfimleikanna í Hádegismóum …