Rósa skelfur á beinunum

Það liggur í loftinu að stórtíðindi verði í kosningunum í Hafnarfirði. Goðsögnin Guðmundur Árni Stefánsson, formaður Alþýðuflokksins og fyrrverandi sendiherra, er mættur í kosningabaráttina eins og rauður stormsveitur. Mikill meðbyr virðist fylgja framboði hans og hermt er að Rósa Guðbjartsdóttir bæjarstjóri, sem er þekkt fyrir áræði og kjark, skjálfi nú á beinunum af ótta við að einveldi hennar í bænum verði hrundið. Guðmundur Árni sakar Rósu og félaga um svik á kosningaloforðum: „Orð eiga að standa og loforð á að efna. Núverandi meirihluti Sjálfstæðisflokks og Framsóknar hefur ítrekað verið staðinn að því að svíkja gefin loforð,“ skrifar hann á Facebook. Líklega er spennan í komandi kosningum hvergi meiri nema ef vera skyldi í Reykjavík þar sem Dagur B. Eggertsson siglir lygnan sjó á meðan Sjálfstæðisflokkurinn er sökkvandi á reki í þanghafi spillingar Bjarna Benediktssonar …