Púls Media sendi í dag frá sér fréttatilkynningu vegna spennandi nýjungar – Sjálfsafgreiðslu á vefauglýsingamarkaði. Þar kemur fram að tæplega 70 prósent af birtingafé íslenskra fyrirtækja fara úr landi en líklegt þykir að breyting verði þar á á næstunni.
„Púls Media kynnir í fyrsta skipti á Íslandi, vefauglýsingamarkað í sjálfsafgreiðslu. Nú geta auglýsendur keypt vefauglýsingar á 9 íslenskum auglýsingamiðlum í nýju vefkerfi Púls og má búast við því að fleiri miðlar bætist við á næstu vikum. Auglýsingamiðlar Þeir auglýsingamiðlar sem eru með auglýsingapláss í boði á markaðnum í dag eru Vísir.is, Já.is, Mannlíf, Kjarninn, Fótbolti.net, Fasteignir.is, Akureyri.net og fréttaöppin Púlsinn og Lumman.
Auglýsingabirtingar á þessum miðlum tryggja dekkun fyrir langflesta Íslendinga. Tæplega 70% af birtingafé íslenskra fyrirtækja fara úr landi. Það er því miður staðreynd að aðeins um þriðjungur af því birtingafé sem innlend fyrirtæki nota í vefauglýsingar endar hjá innlendum auglýsingamiðlum. Markmið Púls er að hjálpa innlendu miðlunum að ná fyrri styrk en tekjur þeirra af vefauglýsingum hafa dregist saman jafnt og þétt undanfarin 5 ár á kostnað erlendu stórfyrirtækjanna Facebook og Google.“
„Eitt stærsta vandamálið, þar til í dag, er að það hefur hvergi verið hægt að kaupa vefauglýsingar á innlenda miðla í sjálfsafgreiðslu. Þess vegna hafa lítil og millistór fyrirtæki leitað í sjálfsafgreiðslulausnir erlendu miðlanna í stað þess að hringja og/eða senda tölvupósta á margar auglýsingadeildir til þess að fá tilboð í auglýsingabirtingar
Púls sérhæfir sig einnig í ýmsum snjöllum auglýsingalausnum. Nýjasta dæmið þar sem lausnir Púls eru notaðar með snjöllum hætti er fyrir Bestu deildina, en kerfi Púls framleiðir sjálfkrafa mörg þúsund auglýsingar í sumar og dreifir þeim sjálfvirkt á vefsíður og umhverfisskilti út frá tímasetningum og staðsetningum. Nánar um samstarfið við Bestu deildina https://www.pulsmedia.is/post/sjalfvirk-framleidsla-auglysingaefnis-fyrir-bestu-deildina Sniðmát í boði fyrir fyrirtæki sem hafa ekki aðgang að hönnun Mörg lítil og millistór fyrirtæki búa ekki svo vel að hafa aðgengi að hönnuði til þess að framleiða auglýsingaefni. Í Púls kerfinu er með mjög einföldum hætti hægt að búa til auglýsingar með sniðmátum.“
Púls Media var stofnað af tæknifrumkvöðlunum Helga Pjetri og Andra Má Þórhallssyni. Helgi Pjetur á farsæla sögu að baki þegar kemur stofnun tæknifyrirtækja en meðal þeirra sem hann hefur komið að stofnun eru Alfreð, Aur, Frágangur, Leggja og Stokkur. Þá má nálgast frekari upplýsingar um þróun vefauglýsinga hér.