- Auglýsing -
Sigurður Sólmundarson varð landsþekktur sem Costco gaurinn vegna myndbanda sem hann birti á Facebook, eftir ferðir sínar í verslunina.
Í viðtali sem undirrituð tók við hann á DV í vor sagðist hann búa farsællega einhleypur. En fair geta forðast örvar Amors og á það við um Sigga, sem er nú kominn á fast.
Hann þurfti þó ekki að sækja ástina langt því sú heppna, hin franska Julie Schleicher, vinnur í Sólhestum, hestaleigu föður hans.
„Þessi elska hlýtur að vera voða skotin í þeim gamla. Búinn að elda tvisvar ofan í hana og hún situr sem fastast. Ekki nema hún sé með mér út af peningunum,“ grínast Siggi með á Facebook um leið og hann birtir mynd af parinu og greinilegt að Costco gaurinn er ástfanginn upp fyrir haus.