Blóðrautt sólarlag Bjarna

Hávær krafa er uppi um að landsfundur verði kallaður saman í Sjálfstæðisflokknum í haust vegna fylgishruns sem leitt hefur til þess að flokkurinn er fráleitt leiðandi eins og var í eina tíð. Jón Kristinn Snæhólm stjórnmálafræðingur hefur lengi verið í innsta hring flokksins. Í podcastinu Mannlífinu lýsti hann fylgistapinu og ástandinu í flokknum þannig að hann væri „elítískur“ og kallaði eftir uppgjöri. Í eina tíð var flokknum lýst með slagorðinu Stétt með stétt. Nú er staðan önnur og flokkurinn logar í innri ágreiningi eins og sjá má af úrslitunum í Reykjavík þar sem sundurleitur og óstjórntækur hópur borgarfulltrúa var kjörinn. Áhrifaleysi flokksins og fylgistap má líka rekja til þess að Bjarni Benediktsson formaður hefur á sér spillingarorð í viðskiptum. Nærtækast ert Íslandsbankamálið.  Enginn flokkur er tilbúinn til þess að hleypa honum í forsætisráðuneytið. Ekki er ólíklegt að Bjarni átti sig á stöðunni og hætti sjálfviljugur fyrr en áætlað var og plottaði leiðina fyrir Þórdísi Kolbrúnu Reykfjörð Gylfadóttur í formannstólinn og reyndi þannig að koma í veg fyrir að fjandvinur hans, Guðlaugur Þór Þórðarson orkumálaráðherra, verði formaður. Haustið gæti orðið spennandi og markað blóðrautt sólarlag á stjórnmálaferli Bjarna ….