Þorsteinn Halldórsson landsliðsþjálfari kvennalandsliðsins í fótbolta tilkynnti í dag hópinn sem fer á Evrópumótið í knattspyrnu 2022. Mótið fer fram í Englandi í sumar en Þorsteinn valdi 23 leikmenn í hópinn.
👀 Hópurinn fyrir EM 2022.
👇 Our squad for the @UEFAWomensEURO #LeiðinTilEnglands #dottir pic.twitter.com/POHUITTlXc
— Knattspyrnusambandið (@footballiceland) June 11, 2022
Þetta er í fjórða sinn í sumar þar sem íslenska kvennalandsliðið leikur á Evrópumótinu í knattspyrnu. Liðið hefur áður farið á mótin 2009, 2013 og 2017. Ísland þykir vera í nokkuð sterkum riðli en Belgar, Frakkar og Ítalir eru með Íslandi í D riðli.
Mótið fer fram á Englandi en Stelpurnar okkar spila fyrstu tvo leiki sína Manchester City Academy Stadium í Manchester. Því næst halda þær til New York Stadium sem er þó í Rotherham.
Þeir leikmenn í hópnum sem hafa skorað flest mörk fyrir landsliðið eru Dagný Brynjarsdóttir (34 mörk – 101 leikir), Sara Björk (22 mörk – 138 leikir) og Elín Metta Jensen (16 mörk – 59 leikir). Leikjahæsti leikmaður hópsins er Sara Björk Gunnarsdóttir með 138 landsleiki alls en á eftir henni kemur Hallbera Gísladóttir með 127 leiki.
Íslenska kvennalandsliðið í knattspyrnu hefur verið að gera það gott og mikill áhugi er á liðinu. Sá leikmaður sem fylgst verður vel með er Sveindís Jane Jónsdóttir. Sveindís er 21 árs og hefur spilað vel með stórliði Wolfsburg þegar hún hefur spilað – alls 3 mörk á einungis 303 mínútum í deild. Hún hefur nú þegar skorað sex mörk í 18 landsleikjum fyrir Ísland.
Hópurinn:
Framherjar:
Amanda Andradóttir – Kristianstads DFF
Berglind Björg Þorvaldsdóttir – Brann
Agla María Albertsdóttir – Häcken
Elín Metta Jensen – Valur
Svava Rós Guðmundsdóttir – Brann
Sveindís Jane Jónsdóttir – VfL Wolfsburg
Markmenn:
Sandra Sigurðardóttir – Valur
Cecilía Rán Rúnarsdóttir – FC Bayern München
Telma Ívarsdóttir – Breiðablik
Miðjumenn:
Sara Björk Gunnarsdóttir – Olympique Lyonnais
Dagný Brynjarsdóttir – West Ham United
Gunnhildur Yrsa Jónsdóttir – Orlando Pride
Alexandra Jóhannsdóttir – Eintracht Frankfurt
Karólína Lea Vilhjálmsdóttir – FC Bayern München
Selma Sól Magnúsdóttir – Rosenborg
Varnarmenn:
Hallbera Guðný Gísladóttir – IFK Kalmar
Glódís Perla Viggósdóttir – FC Bayern München
Sif Atladóttir – Selfoss
Elísa Viðarsdóttir – Valur
Ingibjörg Sigurðardóttir – Vålerenga
Guðrún Arnardóttir – FC Rosengård
Guðný Árnadóttir – A.C. Milan
Áslaug Munda Gunnlaugsdóttir – Breiðablik
Leikir Íslands á mótinu:
Sunnudagur 10. júlí – Belgía gegn Íslandi. 16.00
Fimmtudagur 14. júlí – Ítalía gegn Íslandi – 16.00
Mánudagur 18. júlí – Frakkland gegn Íslandi – 19.00
Þorsteinn mun að endingu staðfesta lokaleikmannahópinn sinn fyrir mótið 28. júní.