Katrín gegn Bjarna

Katrín Jakobsdóttir forsætisráðherra tekur ekki undir með flokksbróður sínum, Bjarna Jónssyni, sem fer gegn þeim breytingum á rammaáætlun sem ógna Héraðsvötnum. Bjarni neitaði að skrifa undir álit meirihluta umhverfis- og samgöngunefndar vegna ákvæðis um að færa umrætt svæði úr verndarflokki í biðflokk. Nú hefur Katrín tekið af skarið og segist standa „algjörlega“ með umræddum breytingum og telur að með því að samþykkja ekki rammaáætlun væri þjóðuin komin í vanda. Óljóst er hvort Bjarni stendur fast á andstöðu sinni en hann lét fjölmiðla ekki ná í sig í gær. Ef hann kippir í kynið má þó búast við því að hann gefi ekki tommu eftir fremur en faðir hans, Jón Bjarnason, fyrrverandi þingmaður og ráðherra VG, sem fylgdi alltaf sannfæringu sinni og varð fyrir vikið einn af villiköttunum í ríkisstjórn Jóhönnu Sigurðardóttur sem átti í hinu mesta basli með því að halda þeim á stefnuni. Nú er að koma upp ný kynslóð villikatta í VG, að sögn gárunganna …