Fyrrum leikaraparið Denise Richards og Charlie Sheen hafa tjáð sig um tilkynningu dóttur þeirra, Sami, um að hún sé búin að stofna OnlyFans reikning.
Í gær birti hin 18 ára gamla Sami, hlekk á OnlyFans síðu sem hún var að stofna. Á myndinni er hún í litlu bikini og skrifar undir myndina: „Smelltu á hlekkinn í bio hjá mér ef þú vilt sjá meira 💋“
Móðir hennar, Richards skrifar athugasemd við færslu Sami: „Sami, ég mun ávalt styðja þig og alltaf standa við bakið á þér. Ég elska þig.“
Jeff Ballard, talsmaður Charlie Sheen, sendi yfirlýsingu fyrir hönd Sheen á ET-slúðurmiðilinn þar sem hann tjáði sig um málið. Virðist hann í yfirlýsingunni kenna móðurinni um það að dóttir þeirra sé komin á þennan fullorðins samfélagsmiðil.
„Hún er 18 ára nú og býr hjá móður sinni. Þetta gerðist ekki undir mínu þaki. Ég samþykki þetta ekki en þar sem ég get ekki komið í veg fyrir það, hvatti ég hana til að hafa þetta smekklegt, skapandi og að hún fórni ekki heilindum sínum.“
Richards svaraði um hæl og sagði dótturina hafa rétt á eigin ákvörðunum og líkama og bætti við: „Sami er 18 ára og þessi ákvörðun hennar var ekki byggð á því hjá hvaða foreldri hún býr.“
Þau Richards og Sheen voru gift frá 2002 til 2006 og eignuðust tvær dætur, þær Sami og hina 17 ára Lolu. Þá á Richards dóttur úr öðru sambandi sem er hin 10 ára Eloise. Eftir að þau skildu hefur samband þeirra verið með stormasamt sem náði hámarki er hún fékk nálgunarbann á Sheen. Árið 2010 afsalaði hann lagalegu forræði yfir dætrum sínum í kjölfar eiturlyfjafíknar, heilsuvandamáls og lagalegra vandræða. Er hann nú að ná sér á strik aftur og undirbýr nú endurkomu sína í sjónvarpi en hann er með HIV veiruna sem er haldið í skefjum með lyfjum.
View this post on Instagram