Forsvarsmenn Bændasamtakanna hafi sumir hverjir unnið að því að samtökin fái aðild að Samtökum atvinnulífsins. Hermt er að Þórólfur Gíslason, kaupfélagsstjóri á Sauðárkróki, sé manna ákafastur um að þetta nái fram að ganga til að styrkja áhrif bænda. En hann mætir harðri andstöðu fulltrúa annarra greina svo sem ferðaþjónustu og iðnaðar sem vilja ekki sjá bændurna í sínum röðum. Ástæðurnar eru fjárhagslegar og felast í því að Samtök atvinnulífsins eru sterkefnuð en bændasamtökin bláfátæk. Þá óttast menn að valdajafnvægi raskist þar sem þekkt sé að sjávarútvegur og landbúnaður myndi gjarnan bandalag og þá verði aðrir undir. Það er því nokkuð víst að bændurnir fá ekki inni og verða að láta sér nægja að horfa inn í dýrðina, rétt eins og litla stúlkan með eldspýturnar forðum ….