Eins og súkkulaðistykki á rauða dreglinum

Verðlaunahátíðin Brit Awards fór fram í fertugasta sinn í gær í O2 Arena tónleikahöllinni í London.

Stjörnurnar mættu margar í sínu fínasta pússi á meðan aðrar kepptust um athyglina í nýstárlegum og óvenjulegum fatnaði.

Söngkonan Lizzo stal óneitanlega senunni í sérstökum kjól frá Moschino. Hönnun kjólsins var innblásinn af Hershey-súkkulaðistykki. Veskið sem Lizzo bar er svo eins og súkkulaðiplata.

Söngkonan Billie Eilish vakti einnig athygli á rauða dreglinum eins og við var að búast. Hún klæddist Burberry frá toppi til táar og meira að segja neglurnar voru skreyttar með Burberry munstri.

Myndir / EPA