Feðradagurinn hinn bandaríski var í gær og fór ekki framhjá söngvaranum fótfráa, Justin Timberlake. Birti Justin ljósmynd af sjaldséðum sonum hans tveimur, á Instagram í tilefni dagsins.
Justin Timberlake sem þarfnast varla kynningar, birti í gær ljósmynd af sonum sínum, þeim Silas, sjö ára og Phineas, sem er 22 mánaða en á ljósmyndinni spila þeir bræður saman á píanó. Jusing og eiginkona hans, leikkonan Jessica Biel hafa ekki birt margar ljósmyndir af sonunum en gerðu undantekningu í gær.
Ljósmynd: Instagram-skjáskot
Undir ljósmyndinni skrifaði Justin: „Mínar tvær uppáhalds melódíur.“ Og bætti við: „Gleðilegan feðradag til allra pabbana þarna úti!!!“
Jessica skrifa fallega færslu til heiðurs Justin á Instagram-reikningi sínum og lét fylgja ljósmynd af fjölskyldunni í hópfaðmlagi. Í færslunni skrifaði hún eftirfarandi texta:
„Í augum heimsins ertu pabbi en í augum fjölskyldunnar ertu heimurinn. Ég veit ekki hver sagði þetta en hver sem það var, þá rígnegldi hann naglann á höfuðið. Við elskum þig elskan. Takk fyrir að vera okkur allt!“
Ljósmynd: Instagram-skjáskot