Guðmundur Árni ekki of gamall

Sú ákvörðun Loga Einarssonar, formannns Samfylkingar, að hætta sem formaður Samfylkingar hefur sett af staða vangaveltur um arftaka. Hæst ber nöfn þeirra Kristrúnar Frostadóttur alþingismanns og Dags B. Eggertssonar borgarstjóra sem bæði þykja vænlegir kandídatar í að rífa upp fylgið. Þriðji kosturinn er síðan Guðmundur Árni Stefánsson, bæjarfulltrúi í Hafnarfirði, sem vann stórsigur í sveitarstjórarkosningunum þótt það nægði ekki til forystu þar. Guðmundur Árni er formaður Alþýðuflokksins þar sem formlega séð hefur flokkurinn ekki verið lagður niður.  Kratarnir styðja hann eindregið. Horft er til þess að hann er einkar sigursæll og því heppilegur til að draga Samfylkingarvagninn. Það vinnur helst gegn honum að vera nokkuð við aldur en hann er 66 ára. Þá er á það bent að hann er 13 árum yngri en Jo Biden, forseti Bandaríkjanna, og því til alls líklegur á næstu árum …