Hundaeigandi í Breiðholt hafði fyrr í dag samband við lögreglu og tilkynnti dýraníðing sem varð á vegi hans. Hundaeigandinn kvað manninn hafa sparkað bæði í sig og hundana hans. Að sögn hundaeigandans hafði maðurinn í fyrstu gert athugasemdir við að einn af hundunum væri að spræna í blómabeð við hús hans, en þær aðfinnslur enduðu með þessum hætti. Lögregla rannsakar málið sem líkamsárás ásamt broti á dýraverndunarlöggjöf.
Þetta kemur fram í dagbók lögreglu. Auk fyrrnefnds atvik þá var maðurinn handtekinn á stolnum bíl í morgun. Í bílnum fannst ætlað þýfi ásamt peningum sem talið er að sé úr innbrotum sem framin voru í nótt.
Síðdegis barst lögreglu svo tilkynning um „mjög ógnandi aðila“ á Austurvelli. Maðurinn var að veitast að fólki, að sögn lögreglu. „Var viðkomandi handtekinn og vistaður í fangageymslu, hvar honum gefst ráðrúm til að hugsa ráð sitt meðan honum rennur mesta áfengisvíman. Viðkomandi verður í kjölfarið kærður fyrir brot á lögreglusamþykkt,“ segir í dagbókinni.