Fjölskyldan sem rekur verslunina Leondard hefur gengið um dimma dali á undanförnum árum. Arnþór Sævar Jónsson stofnaði verslunina árið 1991 og rak hana með glæsibrag framan af. Árið 2010 hafði sigið á ógæfuhliðina og verslunin varð gjaldþrota. Sævar varð í framhaldinu uppvís að því að skjóta undan eignum á Flórída og forða þeim undan hamrinum í gegnum svissneskt félag. Hann var dæmdur í árs fangelsi árið 2015.
DV segir frá því að nú hafi rofað til hjá Sævari og Helgu Daníelsdóttur, konu hans og dætrum þeirra. Þau hafa komið sér upp 240 fermetra glæsilegum sumarbústað, við Berufjarðarvatn, skammt frá Bjarkarlundi, sem þau leigja út á Booking. Nóttin í sumarhöll Sævars kostar hvorki meira né minna en 620 þúsund krónur án morgunverðar. Greinilegt er að það árar betur eftir dimmviðri gjaldþrots og fangelsisdóms …