Andrea Sigurðardóttir blaðamaður er nýr formaður Hvatar, félags sjálfstæðiskvenna í Reykjavík, eftir hatramma baráttu við Elínu Jónsdóttur lögfræðingi um vegtylluna. Andrea tilheyrir þeim hluta Sjálfstæðisflokksins sem fylgir Bjarna Benediktssyni og Áslaugu Örnu Sigurbjörnsdóttur aö málum. Úrslitin eru áfall fyrir stuðningsmenn Guðlaugs Þórs Þórðarsonar utanríkisráðherra sem stefndu að því að ná félaginu undir sig og tryggja þannig sem flesta fulltrúa á landsfund flokksins sem haldinn verður í haust. Hulduher Guðlaugs bauð fram sinn eigin lista til stjórnar en náði engum manni inn.
Hermt er að Diljá Mist Einarsdóttir alþingismaður og einn nánasti samstarfsmaður Guðlaugs ætli að bjóða sig fram sem ritara flokksins á landsfundinum. Niðurstaðan á aðalfundi Varðar verða til þess að líkur á því að hún nái kjöri verða nánast að engu. Áfall Guðlaugs og Diljár er ekki síst stórt þar sem Hvöt er höfuðvígi í kjördæmi þeirra.
Lagt hefur verið að Guðlaugi Þór að fara gegn Bjarna Benediktssyni og bjóða sig fram í embætti formanns. Líkur á því að hann taki þann slag snarminnka eftir afhroðið hjá Hvöt í gær. Mikil spenna er innan flokksins vegna átaka Bjarna og Guðlaugs Þórs. Úrslitin hjá Hvöt eru sögð skýr vísbending um valdahlutföllin í flokknum …