Björn Zoëga, stjórnarformaður Landspítalans, er búinn að hleypa öllu í bál og brand á meðal skrifstofuliðs spítalans með þeim yfirlýsingum að yfirstjórn spítalans sé að sliga reksturinn. Björn þekkir vel til spítalans eftir að hafa verið þar við stjórnvölinn. Undanfarin ár hefur hann stjórnað Kariolinska-sjúkrahúsinu í Svíþjóð þar sem hann beitti niðurskurðarhnífnum og sagði upp 550 millistjórnendum með góðum árangri.
Meðal þeirra sem eru ósáttir er Magnús Karl Magnússon, læknir og prófessor Háskóla Íslands, sem kallar eftir gögnum frá Birni til að styðja fullyrðingar hans um að skrifstofufólki hafi fjölgað á sama tíma og hjúkrunarfólk og læknar sitja eftir. Magnús lét þessi orð falla á Sprengisandi á Bylgjunni og vísar til þess að Björn upplýsti í fjölmiðlum að á árunum 2016-2019 voru voru ráðnir allt að fjórir á móti einum til skrifstofustarfa. Reikna má með hörðum átökum innan spítalans þegar skrifstofublækurnar rísa gegn nýja stjórnarformanninum …