Björn Ingi Hrafnsson, ritstjóri Viljans, var í öðru sæti í fyrra yfir tekjuhæstu fjölmiðlamenn í lista Tekjublaðs Frjálsrar verslunar. Hann var með tæplega 4,5 milljónir króna á mánuði í laun í fyrra.
Árið áður var hann með rétt ríflega fjórar milljónir króna á mánuði, samkvæmt tekjublaði DV. Svo það er óhætt að segja að Björn Ingi hafi gert það gott á COVID-tímanum, árin 2020 og 2021.
Björn Ingi var mjög áberandi á þessum tíma enda óneitanlega einn helsti áhugamaður Íslands um COVID. Fastur liður á upplýsingafund almannavarna var að hlusta á misgóðar spurningar hans. Þetta var svo auðvitað tekið fyrir í Áramótaskaupinu.
Þó COVID hafi reynst Birni Inga vel þá er eigi er sopið kálið þó að í ausuna sé komið. Því draugar fortíðarinnar urðu til þess að Björn Ingi var á þessu ári úrskurðaður persónulega gjaldþrota vegna mála í tengslum við fjölmiðlarekstur hans.