- Auglýsing -
Björgunarsveitin á Blönduósi sinnti útkalli í morgun vegna hjólreiðamanns sem hafði örmagnast.
Tilkynning frá Slysavarnarfélaginu Landsbjörgu barst rétt fyrir klukkan hálf 11 í morgun, en þá var björgunarsveitarfólk að koma að manninum, sem var kaldur og blautur eftir gærdaginn og nóttina. Maðurinn hafði leitað sér skjóls í hesthúsi við skálann Áfanga, við Kjalveg.
Maðurinn var ekki slasaður og björgunarsveitarfólk hugðist koma honum strax til byggða.