Þjóðfræðingurinn Ólína Þorvarðardóttir var í algjöru sjokki eftir að hafa rölt um í miðborg Reykjavíkur. Svo mjög var henni brugðið að hún ákvað að taka myndasyrpu af ástandinu og póstar þeim á Facebook-síðu sína. Þar segir hún:
„Ég rölti stuttan hring í miðbænum í fyrrakvöld. Þetta og annað álíka blasti við augum hvert sem litið var. Ég tek undir með Ármanni Jakobssyni, formanni íslenskrar málnefndar, að það þarf að virkja lögin til verndar íslenskri tungu. Það þarf að , setja inn í þau viðurlög við brotum, því að óbreyttu (og augsýnilega) tekur enginn mark á þeim. Á meðan heldur okkar ástkæra ylhýra áfram að leysast upp og renna saman við enskuna.“
Fjölmargir tjá sig undir færslu Ólínu og virðast flestir þeirra vera á hennar bandi. „Þetta er ömurleg þróun“ og „Hvergi í heiminum er þjóðtungu sýnd jafnlítil virðing“ eru meðal ummæla sem finna má í umræðunni á síðu þjóðfræðingsins.
Af myndum Ólínu að dæma virðast langflestir veitingastaðir miðborgarinnar bera erlend heiti og kynningartextar eru jafnframt flestir á ensku.
Þessar myndir birti Ólína eftir rölt sitt í miðborg Reykjavíkur:
