- Auglýsing -
Álfhildi nokkurri, íbúa í miðborg Reykjavíkur, brá heldur betur í brún þegar hún gekk fyrir helgi framhjá leikskóla í miðborginni og horfði þar upp á einsamalt barn í sorg sinni. Barnið unga grét sárt og kallaði eftir foreldri án þess að starfsfólk skólans gerði nokkuð til að hughreista barnið.
„Það virðist sem aðeins rusl fáist til starfa. Það þarf svo sannarlega ad hækka launin snarlega við það flotta fólk sem þarna vinnur og losa sig við rest,“ segir Álfhildur í kaldhæðni í færslu inni í fjölmennum hverfishópi íbúa á Facebook. Og hún lýsir svo því sem hún sá:
„Ég var vitni ad því nú rétt í þessu ad barn á leikskólanum var búið að standa eitt í töluverðan tíma og gráta mjög sárt og kalla á pabba sinn. Tvær fóstrur voru á sta’num og högguðust ekki.
Ég get alveg haft skilning á þvi ad stökkva ekki upp i hvert skipti sem barn grætur. En þad er munur á gráti af frekju eda hreinlega sorg.
Eftir ad ég hafði bankað hressilega í gluggann drattaðist önnur þeirra til að ná i drenginn en adeins til að hæðast og herma eftir honum :; pabbi minn pabbi minn“. Þá fór ég út og spurði hvort þeim væri virkilega alvara. Þetta var svo einstakt og ljótt ad eg missti mig.“