Söngkonan Erla Þorsteinsdóttir er látin 89 ára að aldri.
Kemur þetta fram í tilkynningu frá aðstandendum; hún lést á hjúkrunarheimili í Holbæk í Danmörku, þann 25. september síðastliðinn.
Erla var gjarnan kölluð stúlkan með lævirkjaröddina; hún var vinsæl söngkona; söngferill Erlu spannaði hins vegar aðeins fimm ár; hún hætti að syngja einungis 26 ára gömul; til að sinna eiginmanni og fjölskyldu.
Eiginmaður Erlu var Poul Dancell sem lést árið 1989: Eignuðust þau fjögur börn, Paul, Evu Ingibjörgu, Stefan Thorstein og David Konrad. Synirnir eru búsettir í Danmörku, en dóttir Erlu og Poul býr í Hollandi.
Erla fæddist á Sauðárkróki árið 1933; hóf snemma að syngja og leika á gítar á heimaslóðum sínum; gítarinn hafði hún fengið í fermingargjöf.
Aðeins átján ára fluttist Erla til Danmerkur en söngferill hennar hófst snögglega og fyrir alvöru þegar Erlu bauðst að syngja og leika á gítar í dönskum útvarpsþætti árið 1954.
Það voru lögin Til eru fræ og Kvöldið var heiðskírt og hljótt. Í framhaldinu fékk Erla fjölmörg tækifæri til að koma sér á framfæri; í kjölfarið einnig að syngja inn á plötur.
Meðal þekktari laga sem Erla söng inn á plötu eru áðurnefnd lög sem og lögin Þrek og tár,-Litli tónlistarmaðurinn,- Kata rokkar,– og Vagg og velta – sem náði því að vera bannað í Ríkisútvarpinu á sínum tíma.
Blessuð sé minning Erlu Þorsteinsdóttur.