Tómas Waagfjörð sem myrtur var á Ólafsfirði í gær, barst morðhótun í mars síðastliðinn.
Þann fjórða mars birti Tómas Waagfjörð myndband þar sem maður, sem hann nafngreinir, hótar að drepa hann og son hans en svo virðist sem maðurinn sé í miklu ójafnvægi. Við færsluna skrifaði Tómas: „XXXXXXXX XXXXXXXXXXXX að hóta að drepa son minn, hvað þarf að ske svo að yfirvöld geri eitthvað með svona geðsjúklinga?“ Við færsluna hlekkjar hann lögregluna á Norðurlandi eystra.
Heimildir Mannlífs herma að fólkið sem tengist morðmálinu, bæði fórnarlambið og þau sem handtekin voru, sé í raun aðkomufólk á Ólafsfirði. Flest hafi þau flutt þangað nokkuð nýlega í þeim tilgangi að komast í ódýrt húsnæði. Þau hafi verið á jaðri samfélagsins í Reykjavík meirihluta ævi sinnar. Til marks um það þá var hinn látni dæmdur stuttu eftir aldarmót fyrir að hafa stungið mann með hnífi á heimili sínu. Sá maður lifði það af og fékk hinn látni því fremur stuttan dóm, tvö ár í fangelsi. Þá, fyrir um tuttugu árum síðan, átti að hann að baki 11 refsidóma og þar af þrjá fyrir líkamsárásir.
Ekki er vitað til þess að hótunin sem Tómas fékk og hægt er að horfa á hér fyrir neðan, tengist morðinu í gær. Ekki náðist í manninn á myndbandinu við gerð þessarar fréttar.