Ritstýran og baráttukonan Magrét Friðriksdóttir segir Menntamálastofnun troða inn ranghugmyndum hjá með kennslumyndbandi í kynfræðslu og kynjamennt á unglingastigi. Hún vill að sýning myndbandsins verði stöðvuð hið fyrsta, áður en „afleiðingarnar verða óafturkræfar.“
Myndbandið sem fer svona fyrir brjóstið á Margréti heitir Alls kyns um kynferðismál og er þar á ferðinni teiknuð fræðslustuttmynd sem er öllum opin á vef Menntamálastofnunar. Í myndinn er fjallað um ýmsar hliðar kynferðismála og rætt um ýmis hugtök sem tengja kyni, kynvitund, kynhneigð og kynlífi. Hún er ætluð 13 til 15 ára nemendum.
Óhætt er að segja að ritstýran sé ekki hrifin á stuttmyndinni. Hún gerir myndina að umtalsefni í færslu á Facebook:
„Þetta er eitt það sjúkasta sem ég hef orðið vitni að og í boði Menntamálastofnunar. Þarna er verið að krukka í hausnum á börnum sem eru eins og flestir vita mjög áhrifagjörn. Menntamálastofnun kennir börnunum sem sagt í þessu sýrumyndbandi að börn geti fæðst í vitlausum líkama,“ segir Margrét og heldur áfram:
„Svo það sé á hreinu þá fæðist enginn í vitlausum líkama, hundurinn minn er hundur ekki köttur fæddur í vitlausum líkama sem dæmi og hún er tík en ekki rakki og þarna er verið að bera hreina geðveiki á borð í grunnskólum landsins og ber að stoppa áður en afleiðingarnar verða óafturkræfar. Engan skal svo undra aukninguna á BUGL – barna og unglingageðdeild.“
Stuttmyndina sem Margrét er svo ósátt við má finna hér.