„Þessar eldglærur hafa læst sig í húsi okkar, hagkerfinu. Til mikillar mildi eru tvær vaskar sveitir mættar á vettvang til þess að bjóða fram aðstoð sína. Annars vegar er þar Seðlabankinn, hlaðinn tækjum og tólum til berjast við eldinn. Hins vegar eru það fulltrúar ríkissjóðs. Þeir segjast líka vilja hjálpa. Í stað brunaslöngu eru þeir með bensínbrúsa. Í kapp hver við annan sprauta bjargvættirnir á víxl vatni og bensíni yfir eldinn. Eins og gefur að skilja gengur erfiðlega að slökkva hann. Á meðan stöndum við hjá og horfum á húsið brenna.“
Svo hljóðar hluti umsagnar Viðskiptaráðs um fjárlög Bjarna Benediktsson, fjármálaráðherra og formann Sjálfstæðisflokksins. Umsögnin er að flestu leyti hefðbundin bábylja frá Viðskiptaráði um að lækka skatta á hina ríkustu.
Það sem vekur athygli er að allar líkur séu á því að nánasti samstarfsmaður Bjarna um árabil lýsi honum nú sem brennuvargi. Það var Samstöðin sem vakti fyrir athygli á því að ætla má að umsögnin sé skrifuð af Svanhildi Hólm Valsdóttur, framkvæmdastjóra Viðskiptaráðs.
Svanhildur var aðstoðarkona Bjarna um árabil og hans nánasti samstarfsmaður og helsti bandamaður. Það má ætla að það bandalag standi veikara en áður eftir þessa umsögn.