Liz Truss segir af sér eftir einungis 45 daga í embætti: Stysta valdatíð í sögu landsins

For­­sætis­ráð­herra Stóra-Bret­lands, Liz Truss, hefur sagt af sér.

Truss tók við sem for­­sætis­ráð­herra þann 5. septem­ber síðast­liðinn; tók við af Boris John­son sem sagði einnig af sér em­bætti.

Em­bættis­tíð Truss var ekki löng; einungis 45 dagar; er hún því sá for­sætis­ráð­herra sem gegnt hefur em­bættinu styst.

Til­kynning Truss kom eftir fund hennar við Graham Brady, sem er formaður 1922 nefndarinnar, sem samanstendur af með­limum Í­halds­flokksins; sér til dæmis um val á nýjum leið­toga.

„Miðað við á­standið get ég ekki fylgt um­boðinu sem fylgir því að ég var kosin af Í­halds­flokknum; ég hef rætt við konunginn, til­kynnt honum að ég sé að hætta sem leið­togi        Í­halds­flokksins.“

Leið­toga­kjör verður haldið í næstu viku og „Þetta mun tryggja að við höldum á­fram og reynum að skila fjár­mála­á­ætlun okkar og við­halda efna­hags­legum stöðug­leika sem og þjóðar­öryggis lands okkar,“ sagði Truss eftir afsögnina, en hún mun halda áfram sem      for­sætis­ráð­herra þar til eftir­maður hennar verður valinn, og búist er við því mjög fljótlega.