Louisa St. Djermoun opnar sýningu sína „Leið mín að Silkinu – Mon chemin vers la Soie“ laugardaginn 30. nóvember kl. 15 í Hannesarholti, Grundarstíg 10.
Louisa er 47 ára íslensk /frönsk‐alsírsk myndlistarkona fædd og uppalin í Reykjavík sem verið hefur búsett í Frakklandi síðastliðin 18 ár. Þetta er önnur myndlistarsýning Louisu á Íslandi á þessu ári en hún hefur einnig tekið þátt í fjölmörgum sýningum víðsvegar í Frakklandi og var verk hennar til að mynda valið besta verk sýningar evrópuhússinns í Montpellier á viku listarinnar í október á þessu ári. Sýningin í Hannesarholti markar hennar fyrstu skref inn í textíl heiminn þar sem hún mun við þetta tækifæri auk málverka kynna nýja línu af silkislæðum undir vörumerkinu Louisa St. Djermoun / LSD.
Opnunin verður haldin við undirleik Afro/Cuban kvartetts Einars Scheving, sem auk Einars er skipaður Ara Braga Kárasyni á trompet, Eyþóri Gunnarssyni á píanó og slagverk og Róberti Þórhallssyni á bassa.
Louisa er fædd og uppalin í Skerjafirðinum í Reykjavík en hefur búið í Frakklandi meira og minna sl. 18 ár. Hún er með B.A gráðu í sjónlistum eða Les Arts Plastiques frá Panthéon‐Sorbonne Paris 1 háskóla og kennararéttindi frá LHI. Frá námslokum hefur hún, samhliða því að sinna kalli listagyðjunnar, starfað sem kennari og leiðsögumaður auk þess að ala upp þrjá yndislega drengi.
„Ég hef lengi litið á ljósmyndalinsuna sem mitt þriðja auga og undanfarin 15 ár hef ég verið að þróa tækni, sem ég kalla „Louisu list“ þar sem ég vinn með eigin náttúruljósmyndir sem forgrunn ásamt málningu á striga og öðrum „viðskiptarleyndarmálum“ til að ná fram þeirri áferð eða loka‐mynd af náttúruforminu sem ég vil hafa á striganum. Ég skilgreini mig sem afstæðu‐náttúrumyndlistarmann, náttúra og litir hafa alltaf verið aðal viðfangsefnið mitt þegar að myndlistinni kemur. Ég leitast í verkum mínum við að ná fram þrívíðri áferð til að ná fram minni sýn á náttúrunni í návígi. Allt frá því að ég var lítil stelpa í Skerjafirðinum þá átti efnisáferð náttúrunnar, fjaran, sjórinn og grófu stráinn hug minn allan og hafa enn.
Ég hef lengi gengið með þá hugmynd í maganum að koma verkunum mínum í textíl og valdi fyrir frumraunina hágæða 100% Mulberry Silk Twill í slæður sem tel að nái vel að endurspegla verkin mín.“
Sýningin verður opinn á opnunartíma Hannesarholts (www.hannesarholt.is) frá 30. nóvember fram að jólum.