Friðjón R Friðjónsson, Sjálfstæðismaðurinn með fallega nafnið, líkt og Bryndís Schram komst að orði nýverið, er staddur í Bandaríkjunum á Íslendingaslóðum. Þar heimsótti hann kirkjugarð en ein gröf snerti hann sérstaklega. Mynd af þeirri gröf má sjá hér fyrir neðan.
Friðjón skrifar á Facebook: „Það er mögnuð upplifun að koma í kirkjugarðinn í Blaine í Washingtonríki við landamæri Kanada. Þar var mikið Íslendingasamfélag fyrir 100 árum og lifir enn. Ég heimsótti gröf langalangafa míns sem flutti ríflega tvítugur vestur og skildi eftir, líklega óafvitandi, þungaða langalangömmu,“ segir Friðjón.
„En þessi barnsgröf hafði mest áhrif á mig. Nafnlaust íslenskt barn. Seinni myndin er af gröf Guðmundar Guðbrandssonar sem fór vestur um haf 1882-3 og bjó þar allt sitt líf, þar til hann lést 94 ára, árið 1957. Skvt Íslendingbók var hann faðir Kristjönu, langömmu minnar í föðurætt.“
