Margir virðast hafa fengið sig fullsadda af því hvernig Katrín Jakobsdóttir forsætisráðherra harmar eigin ákvarðarnir. Í það minnsta eru nokkur dæmi um að sama dag og ríkisstjórnin tilkynnir eitthvað umdeilt, þá sé Katrín mætt í sjónvarpsfréttir og láti eins og móðir óþekktaorma. Hún harmi gjörðir þeirra og muni skamma þá.
Þórunn Ólafsdóttir, baráttukona í málefnum flóttamanna, spáir því að landsmenn muni þurfa að sitja undir þessu í kvöld. Mikil óánægja er meðal sumra í dag vegna brotvísunar flóttamanna. Vafalaust væri Katrín og VG þar fremstir í flokki, ef flokkurinn væri ekki í stjórn. Óháð skoðun viðkomandi á flóttafólki þá er almennt litið svo á að brotvísanir séu framkvæmdar í samræmi við stefnu ríkisstjórnarinnar.
Þórunn skrifar á Twitter: „Það sem gerist næst: Jón mætir sigri hrósandi í viðtal og segist bara vera að fyglja lögum.Katrín lýsir yfir áhyggjum, jafnvel depurð og að nú verði sko aldeilis stofnaður starfshópur til að ræða málið. Við hin: Komum þeim út úr Stjórnarráðinu okkar. Þetta er óboðlegt!“