- Auglýsing -
Bryndís Haraldsdóttir, alþingismaður Sjálfstæðisflokksins, þykir á köflum vera eldklár og pólitískt klók. Ekki hefur verið algengt að hún missi fótanna í umræðunni. En nú er hún í skotlínu þeirra sem láta sér annt um það fólk sem leitar eftir hæli á Íslandi. Illugi Jökulsson rithöfundur fer í hana með kjafti og klóm eftir að hún sakaði flóttamenn, sem vísað var úr landi, um að ljúga því að þau séu lent á götunni í Grikklandi. „Þegar verið að segja að það sé verið að senda fólk á götuna, svo er ekki,“ hefur Illugi eftir Bryndísi. Aðspurð um flóttamann sem hélt til á garðbekk á Grikklandi var svar hennar einfalt: „Ég vona að hann fái inni einhvers staðar.“
Illugi spyr hvort Bryndís hafi enga sómatilfinningu og leggur til að hún verði send til Grikklands til að komast að sannleikanum „svo hún sé ekki að ljúga upp á saklaust fólk“ …