Ljót saga Hönnu Birnu

Gísli Marteinn Baldursson sjónvarpsmaður á það til að vera einn skarpasti þjóðfélagsrýnir landsins. Þáttur hans, Vikan, nýtur gríðarlegra vinsælda. Innan um grín og gaman læðist gjarnan fram kolsvartur húmor með broddi. Á föstudagskvöldið fékk Gísli Marteinn fyrrum pólitískan samherja sinn, Hönnu Birnu Kristjánsdóttur, sem gest. Málefni flóttamanna, brottreksturinn og meðferðin á hinum fatlaða Hussein Hussein bar á góma. Hanna Birna virtist hafa nokkra samúð með hælisleitendum almennt. Spyrillinn nefndi að hún væri reynd í málum flóttafólks sem fyrrverandi dómsmálaráðherra. Hann lét þess þó ógetið að Hanna Birna hrökklaðist úr embætti á sínum tíma eftir að ráðuneyti hennar lak í fjölmiðla umdeildum og sumpart fölskum gögnum um hælisleitandann Tony Omos. Aðstoðarmaður hennar, Gísli Freyr Valdórsson var rekinn og fékk í framhaldinu fangelsisdóm. Stefán Eiríksson lögreglustjóri var hrakinn úr starfi vegna rannsóknari á þessu máli. Hanna Birna missti seinna  embættið. Ekki var orð um þessi mál. Einhver kynni að gíska á að samið hefði verið um það fyrir útsendingu þáttarins að nefna ekki þá ljótu sögu og pólitískt andlát Hönnu Birnu …