Vanda Sigurgeirsdóttir, formaður Knattspyrnusambands Íslands, spókar sig ásamt fylgdarliði í Katar og nýtur þess að fylgjast með HM í knattspyrnu sem að þessu sinni er litað af fordómum heimananna. Mörgum þykir fyrirlitlegt af formanninum að sækja mótið og þar með ofsækjendur samkynhneigðra og annarra minnihlutahópa.
Þetta á einnig við um Ríkisútvarpið sem sendi tvo menn á mótið í nánast algjöru tilgangsleysi þar sem Ísland er ekki á meðal keppnisþjóða. Edda Sif Pálsdóttir íþróttafréttamaður er mætt fyrir hönd Sjónvarpsins ásamt Heimi Guðjónssyni, fyrrverandi landsliðsþjálfara.
Það var svo vel við hæfi að Edda Sif náði viðtali við Vöndu í landi fordómanna. Það fór ekki betur en svo að Vanda beygði af í viðtalinu þegar hún var spurð út í ástæður þess að KSÍ hefur mismunað konum og körlum landsliðanna í svokölluðu treyjumáli. Það þykir gott sjónvarpsefni þegar viðmælandi grætur og Edda Sif nýtti sér það í þaula í landi fordómanna …