Tólf ára piltur lést í rússneskri rúllettu – Einn fullorðinn og tvö ungmenni handtekin

Tólf ára drengur er látinn eftir að hafa spilað rússneska rúllettu við félaga sína í Jackson, Mississippi, að sögn lögreglu.

ABC fréttastofan hefur eftir lögreglustjóranum í Jackson, Deric Hearn, að drengurinn sé hinn 12 ára Markell Noah.

Í kjölfar andláts piltsins hefur lögreglan handtekið tvö ungmenni og einn fullorðinn á föstudaginn. Segir lögreglan að ungmennin verði ákærð fyrir morð og sá fullorðni fyrir aðild sína að málinu eftir að morðið var framið.

Engar frekari upplýsingar koma frá lögreglunni að svo stöddu enda málið enn í rannsókn.