Biðlistar hér á landi efir skurðaðgerðum hafa ríflega tvöfadast á síðustu þremur árum og nú má finna um 8 þúsund Íslendinga á lista eftir aðgerð. Þrátt fyrir það eru skurðstofur landsins ekki reknar á fullum afköstum.
Geir Tryggvason, formaður Félags skurðlækna, hefur miklar áhyggjur af hinum löngu biðlistum á Íslandi. „Við höfum miklar áhyggjur af því hversu mikið biðlistarnir hafa lengst á undanförnum árum. Þeir hafa meira en tvöfaldast frá 2019,“
RÚV greinir frá og þar segir að almennt séu ekki nema 11 til 13 skurðstofur í notkun hverju sinni af þeim 18 sem til eru. Ástæðan er mannekla og sá mönnunarvandi veldur því að biðlistarnir lengjast í sífellu. Ekki bara eru nú um 8 þúsund Íslendingar á listunum heldur fjölga þeim stöðugt sem bíða þurfa lengi eftir því að komast að.
„Bak við hverja kennitölu á þessum biðlista er sjúklingar sem eru með vandamál sem við gætum leyst eða bætt með skurðaðgerð en menn komast ekki að og þurfa jafnvel að bíða í mánuð eða ár eftir aðgerð. það hefur verið brugðist seint og illa við og þess vegna erum við í þessari stöðu í dag. Þetta er ástand sem verður að bregðast við,“ segir Geir.