Við lok ferils Dags B. Eggertssonar sem borgarstjóra í Reykjavík blasir við fremur skuggaleg staða í fjármálum borgarinnar. Meirihlutinn á hinu mesta basli við að koma skikk á málin. Það mun síðan koma til kasta Einars Þorsteinssonar, leiðtoga Framsóknarflokksins, eftir rúmt ár að axla ábyrgð sem borgarstjóri. Þessa dagana æfir hann sig fyrir embættið í fjarveru Dags sem staddur er erlendis.
Efalítið verður Dagur því feginn að losna af galeiðunni. Merkja má að hann er í óða önn að undirbúa brottför sína. Aðstoðarmaður hans til fjölmargra ára, Pétur Krogh Ólafsson, hefur verið ráðinn í gott starf hjá Veitum, sem er í eigu borgarinnar. Staðan var ekki auglýst en fullyrt er að tengsl hans við borgarstjóra hafi ekkert með málið að gera. Meirihlutinn liggur síðan undir ámæli fyrir að þagga niður og banna umræða um Ljósleiðarann í borgarstjórn. Þá þykir snjómokstur í Reykjavík vera með endemum og meirihlutinn í nauðvörn vegna þeirra mála …