- Auglýsing -
„Ég er bæði reið og leið yfir þessari ótrúlegu yfirlýsingu Fjölskylduhjálparinnar.“
Þetta segir Oddný Harðardóttir, þingkona Samfylkingarinar, á Facebook en þar vísar hún til yfirlýsingar samtakanna þar sem fullyrt var að Íslendingar fengju fyrst úthlutað aðstoð og því næst „útlendingar með íslenskar kennitölur“.
Samtökin fá styrk frá ríkinu en því vill Oddný breyta. „Og við megum ekki láta eins og ekkert sé. Auk þess verður að gera auknar kröfur til samtaka sem þiggja styrk frá ríkinu. Sannarlega andstyggilegt og ekki í fyrsta skipti sem þessi samtök mismuna fólki eftir þjóðerni.“