Fyrrum forseti Bandaríkjanna, Donald Trump, ætti ekki að fá að bjóða sig aftur fram í opinberrar stöðu eftir að hafa átt þátt í tilraun til valdaráns í landinu.
Er þetta mat rannsóknarnefndar fulltrúadeildar Bandaríkjaþings, sem sett var á fót vegna árásinnar á þinghúsið í janúar í fyrra, þar sem fylgjendur Trump réðust af hörku inn í þinghúsið.
Er þetta á meðal þeirra tillagna sem koma fram í 845 blaðsíðna skýrslu nefndarinnar áðurnefndu, til að tryggja að ekkert í líkingu við það sem átti sér stað í Washington í janúar 2021, gerist á nýjan leik.
„Það hefur verið gengið alltof langt í að gefa sigruðum fyrrverandi forseta færi á að gera sig gildandi sem einræðisherra; ráðast að lýðræðislegum stofnunum Bandaríkjanna og hvetja til ofbeldis,“ sagði Bennie Thompson, en hann er formaður nefndarinnar góðu, þegar skýrslan var kynnt í gær.
Kemur þar fram að löggjafinn er hvattur eindregið til þess að gera þær breytingar á lögum sem þarf til að koma í veg fyrir að Trump og aðrir sem hvetja til valdaráns fái ekki að gegna opinberum stöðum í Bandaríkjunum.