Afmælisbarn dagsins er engin önnur en Anna Kristjánsdóttir vélstjóri og pistlahöfundur. Ku hún vera 71 árs akkurat í dag.
Anna er ein af fyrstu transmanneskjum á Íslandi en lengi vel starfaði hún sem vélstjóri á sjó en hefur síðustu árin notið lífsins á Tenerife sem hún kallar Paradís. Hefur hún haldið úti bráðfyndinni dagbók frá því að hún flutti á spænsku eyjuna. Hefur hún birt færslu á hverjum degi frá því að hún steig á Tenerife. Hafa færslur hennar oftar en ekki vakið gríðarlega lukku og glatt landann enda er hún brakandi húmoristi.
Mannlíf hafði samband við Önnu og spurði hana hvor og þá hvernig hún ætlaði að fagna deginum.
„Allt rólegt að sinni, en fer út að borða í kvöld með dóttur minni og fjölskyldu og nokkrum vinkonum á eftir,“ svaraði Anna.
Mannlíf óskar Önnu innilega til hamingju með daginn!