Hreyfihamlaður maður fannst látinn í heitum potti í Breiðholtslaug – Lögregla rannsakar málið

Hreyfi­hamlaður karl­maður á átt­ræðis­aldri fannst lát­inn í heit­um potti í Breiðholts­laug þann 10. des­em­ber síðastliðinn.

Hafði maður­inn að öllum lík­ind­um legið meðvit­und­ar­laus í heita pott­in­um í eitthvað um þrjár mín­út­ur, áður en sund­laug­ar­gest­ur fann manninn.

Greint var frá þessu í kvöld­frétt­um RÚV og kom fram að málið er til rann­sókn­ar hjá miðlægri rann­sókn­ar­deild lög­regl­unn­ar á höfuðborg­ar­svæðinu; hafa upp­tök­ur úr eft­ir­lits­mynda­vél­um verið til ítarlegrar skoðunar.