Sigurður Jóhann Hafberg athafnamaður á Flateyri er látinn, 64 ára að aldri. Hann fæddist 5. janúar árið 1959 og lést þann 11. janúar.
Sigurður bjó á Flateyri allt sitt líf. Sigurður er þekktur sem ferðafrömuður á Flateyri undanfarin ár. Hann hét úti gistiþjónustu, kaffihúsi, og kajakleigu auk annarar þjónustu við ferðafólk. Hann starfaði um árabil við sjómennsku og var lengi á togaranum Gylli ÍS.
Lýður Árnason læknir sendir honum kveðju á Facebook.
„Hann bar öll öll sérkenni Vestfirðings, gat allt og gerði allt. Þykkjan á sínum stað, skrápurinn og þar fyrir innan eldur sem logaði glatt á góðum stundum hans.
Íris Hafberg, dóttir Sigurðar, sendir honum falleg kveðjuorð á Facebook.
„Ég er innilega þakklát fyrir að hafa átt pabba sem fékk okkur til að hugsa og gagnrýna og trúi því að það hafi gert okkur að betri manneskjum. Hann og mamma voru samheldin og hafa gert allt sem þarf, og svo ótal margt umfram það fyrir okkur fjölskylduna sína, og alla hina líka,“ skrifar Íris og er þakklát að hafa fengið að kveðja og ganga með honum síðasta spölinn.
Mannlíf sendir fjölskyldu Sigurðar samúðarkveðju.