- Auglýsing -
Agnes biskup var í helgarviðtali MBL sem út af fyrir sig er alveg gjaldgengur miðill.
Það sem hún segir í viðtalinu vekur hins vegar upp áhyggjur mínar. Skoðum það nánar.
Hún segist ætla að nota tímann fram til starfsloka til að endurskoða handbók prestanna. Guð minn almáttugur hjálpi okkur í þeim efnum, því nú á væntanlega að halda áfram að skrumskæla hlutina með einhverri vitleysu um kynjafræði og hlutleysi orða sem um aldir hafa verið notuð, prestar eiga kannski að fara að tjá sig eins og hvorugkyn, en handbókin er um það sem prestarnir segja í kirkjunum, – og hvernig þeir tala.
Í annan stað ætlar hún að vísitera oftar. Vísitasíur Agnesar eru sagðar einkennast af þumbaraskap og leiðindanöldri um allt og ekkert. Óþarfi að klára þann hring Agnes.
Svo í ofanálag boðar Agnes fjölgum í þjóðkirkjunni, til lengri tíma litið. Kannski eftir að hún lætur af embætti já. Agnes vælir svo um vonda gagnrýnendur og blaðamenn. Hættu að væla Agnes og hættu gjarna sem biskup í leiðinni, það myndi gleðja marga, þú ert ekki góður stjórnandi samkvæmt gallup-könnunum og hefur farið illa með margan karl- prestinn í valdatíð þinni. Amen.
Sr. Skírnir Garðarsson.