Evgenía prinsessa, dóttir Andrésar, er ólétt að sínu öðru barni.
Prinsessan og eiginmaður hennar, Jack Brooksbank eiga von á sínu öðru barni en það mun koma í heiminn í sumar. Tilkynnti Evgenía gleðifréttirnar á Instagram.
Evgenía er yngsta dóttir Andrésar prins og Söruh Feguson en fyrir átti hún og Jack soninn Ágúst Filippus Hauk Brooksbank en hann fæddist í febrúar 2021, á einkasjúkrahúsinu Portland Hospital í London, rétt eins og Bogi, sonur Harrý prins og Meghan Markle.
Tilkynning barst í dag frá Buckingham-höll þar sem stóð: „Evgenía prinsessa og Hr. Jack Brooksbank eru eru ánægð að tilkynna að þau eigi von á sínu öðru barni í sumar. Fjölskyldan er himinlifandi og Ágústi hlakkar mjög mikið til að verða stóri bróðir.“
Stuttu síðar birti Evgenía krúttlega ljósmynd á Instagram-síðu sinni, sem Jack tók en þar sést Ágúst litli kyssa magann á móður sinni en við myndina stóð: „Við erum svo spennt að deila með ykkur að í sumar bætist við nýr meðlimur í fjölskyldu okkar.“
Þá birti Fergi skömmu síðar ljósmynd af Ágústi busla í pollum og skrifaði við: „Í ömmuhimnaríki.“
Ekki hefur enn verið tilkynnt um kyn barnsins.