Sólveig Anna Jónsdóttir, formaður Eflingar, er hamslaus af reiði vegna þess útspils Aðalsteins Leifssonar ríkissáttasemjara að spila út miðlunartillögu og láta ellt Eflingarfólk greiða atkvæði um sama samning og Starfsgreinasambandið gerði fyrir sitt félagsfólk í stað þess að félagið fengi að efna til verkfalls gegn einu fyrirtæki.
Sólveig er í miklu stuði og hefur í framhaldi af þessu sakað Aðalstein um lögbrot og lýsir vantrausti á sáttasemjarannn. „Ríkissáttasemjari hefur með vinnubrögðum sínum ekki aðeins svívirt allar hefðir í samskiptum aðila vinnumarkaðarins og unnið orðspori embættisins skaða, heldur hefur beinlínis brotið ákvæði laga um stéttarfélög og vinnudeilur nr. 80 frá 1938 þar sem skýrt er kveðið á um samráð og rými til athugasemda þegar gripið er til þess neyðarúrræðis sem miðlunartillaga er,“ segir í yfirlýsingu stjórnar Eflingar.
Sú undarlega staða er komin upp að Efling hefur ekki afhent ríkissáttasemjara félagsskránna svo hægt sé að halda atkvæðagreiðsluna.
Engin leið er að sjá fyrir um framhaldið. Sólveig Anna og félagar eru í stríðsham og tímaspursmál hvenær allt fer úr böndunum …