Nýjasta tölublað Gestgjafans var að detta í hús og má með sanni segja að þar kenni ýmissa grasa. Aðaláherslan er á veislur, afmæli og fermingar en búast má við að slíkum hátíðahöldum verði víða frestað um nokkrar vikur en það breytir ekki því að í blaðinu eru frábærar, prófaðar dúndur uppskriftir sem henta við fjölbreytt tækifæir og hér á kannski vel við að segja að ekki sé ráð nema í tíma sé tekið. Blaðið inniheldur fullt af fallegum og fjölbreyttum uppskriftum sem tilvalið er að dunda sér við að útbúa núna þegar við höldum okkur sem mest heima en auk frábærra uppskrifta er að finna spennandi viðtöl, ýmsan fróðleik og skemmtilegar hugmyndir. En hafa ber í huga að blaðið lifir auðvitað vel fram í tímann.
Í blaðinu eru uppskriftir að spennandi asískum smáréttum fyrir þá sem vilja prófa eitthvað öðruvísi. Nokkur klassísk brauðsalöt eru sett í sparifötin og ljúffeng kókos- og karamellukaka sem passar einstaklega vel með góðum kaffibolla, prýðir eina síðuna. Einnig má finna hugmyndir að gómsætum ostabakka ásamt uppskriftum að sýrðu grænmeti, kanileplasultu og grissini með parmesanosti og rósmaríni sem sómir sér vel með ostunum.
Inga Auðbjörg K. Straumland, formaður Siðmenntar, svarar sælkeraspurningum Gestgjafans, við kíktum á bak við tjöldin hjá hjá tveimur metnaðarfullum bökurum, Örvari Arnarssyni og Gunnlaugi Arnari Ingasyni, sem deila spennandi uppskriftum með lesendum, Halla María Svansdóttir veitingakona er í viðtali og einnig Karl Viggó Vigfússon er bakari og konditor.
Þetta og margt fleira í nýjasta tölublaði Gestgjafans.
Tryggðu þér áskrift að Gestgjafanum í vefverslun